群眾集資網Dreamna，去年由Nigel與拍檔陳家英（Karl）及李迪恆（Louis）創辦。三子同是港大畢業生，住宿舍時認識，分別畢業於經濟、精算及金融會計系。
畢業後，Nigel和Karl都躋身全球大型投資銀行任分析師，Louis則加入航空公司管理四國業務，各人年薪高達70萬元，但高薪厚職沒有為他們帶來滿足感。
「日日朝7晚12（工作），放假時仲要睇住股市，覺得人生九成時間花喺工作上，搵到錢好似淨係為咗去旅行，冇成功感！」Karl嘆道。
Nigel補充說：「我哋見到身邊好多朋友，有好嘅idea或者夢想，但因為怕失敗或冇資金，最後放棄咗，好可惜！」
去年2月，他們覺得外國大熱的群眾集資（crowdfunding）可在港推行，透過網絡籌款實現夢想，經過三個月研究及諮詢律師意見後，終在7月推出網站Dreamna（http://www.dreamna.com/）。
他們都是業餘搞手，Nigel說：「雖然好辛苦，每日瞓得四、五個鐘，但好值得！」Karl及Louis現分別在波蘭做生意及在美國進修，但三人仍每天透過視像會議商討網站發展。
籌款不成功便不收費
Dreamna籌款限時為30天，至今已推出10個項目，其中8個籌款達標，總共籌得約4萬元；網站收取所得款項的5%作營運費用，籌款不成功則不收費。Karl表示：「我哋唔係為賺錢而搞，只係想鼓勵唔同類型嘅項目出現，希望香港唔係只得金融。」
「好多人連自己嘅理想都唔敢同人講，人哋又點會支持你？」Nigel說，已排期推出的，包括港大建築系學生籌款到尼泊爾建校等三個項目。
要在Dreamna籌款，只須將項目計劃、籌款原因、目標和回報方式，用文字及短片作介紹，提交網站審批。Nigel稱，會要求籌款人將捐出善款的收據上載網站供監察。
http://hk.apple.nextmedia.com/news/art/20130320/18201370
Search